Psa 95 | ZomZIV | STEP | Hong pai un, TOPA tungah nuamna la sa ni, I hotkhiatna Suangpi tungah nakpi in kiko ni.

Psalms 95

1 Hong pai un, TOPA tungah nuamna la sa ni, ^a
I hotkhiatna Suangpi tungah nakpi in kiko ni.
2 Ama mai-ah lungdamkohna tawh pai-in, ^b
tumtheih le la tawh amah ngaih takin phat ni. ^c
3 Ahang in, TOPA in a lian Pasian hi a, ^d
pasiante khempeuh tunga Kumpi lian ahi hi. ^e
4 Ama khut sungah leitung thukpite om a, ^f
mualdawnte ama aa ahi hi.
5 Tuipi ama bawlsa ahi manin ama aa hi-a,
ama khutin leikeute a bawl ahi hi. ^g
6 Hong pai un, amah bia in kun ni, ^h
eite hong Bawlpa TOPA mai-ah khukdin ni; ⁱ
7 ahang in, amah eite Pasian hi-a,
ama gankhawk sunga mi ^j
ama cinna nuai-a tuuhon i hi hi.
Tuni-in ama aw na zak uh leh
8 Meribah ^{▼▼ 8 Meribah in kitawng cihna} a na hih bang uh leh
sehnel-gam Massah ^{▼▼ 8 Massah in zia-et cihna} a na om ni-ua na hih bangun na lungsim uh khauhsak kei un;
9 tua lai-ah na pate un ka nasepte mu khin napi
kei hong zia-et in hong sin uh hi. ^m
10 Tua khangte tungah kum sawmli sung ka heh a,
“Amaute lungsim lampialsate hi uh a,
ka lampi a thei kei uh hi,” ka ci hi. ⁿ
11 Tua ciangin hehsa in ka kiciam a, ^o
“Amaute ka khawlna ah a lut ngei kei ding uh hi,” ka cikhia hi. ^p